Liverpool 1-1 Chelsea, finalja e Superkupës shkon në vazhdime

22:56 | 14 Gusht 2019
Arbresh Info

Finalja e Superkupës mes Liverpoolit dhe Chelseas ka shkuar në vazhdime.

Koha e rregullt e finales së UEFA Superkupës mes dy gjigantëve anglez në Stamboll të Turqisë ka përfunduar me rezultat 1 me 1, shkruan portali arbresh.info.

“Blutë” zhbllokuan shifrat duke shënuar me anë të sulmusit francez Oliver Giroud derisa po zhvillohej minuta e 36′ e ndeshjes, ku Christian Pulisic “theu” mbrojtjen e “Redsave” me një super asistim të cilin e finalizoi bukur ish futbollisti i Arsenalit.

Sidoqoftë, Liverpooli barazoi gjithçka qysh në fillim të pjesës së dytë.

Pas inkuadrimit të Roberto Firminos në fushë, skuadra e Jurgen Klopp gjeti rrjetën duke barazuar gjithçka.

Ishte pikërisht Firmino që asistoi te Sadio Mane që pas dy përpjekjeve dërgoi topin në rrjetën e Kepas.

Rastet nuk munguan tutje, por 90 minuta lojë përfunduan me rezultat 1 me 1.

Arbresh.info do t’iu mbajë të informuar në kohë reale për çdo zhvillim në lidhje me këtë finale./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm